ТОШКЕНТ, 9 сен – Sputnik. Сурхондарё вилояти Қумқўрғон туманида поезд ва юк автомобили ўзаро тўқнашиб кетди. Бу ҳақда ИИВ ЙҲХББ матбуот хизмати хабар бермоқда.
Йўл-транспорт ҳодисаси 9 сентябрь куни соат 09:20 ларда тумандаги Азларсой МФЙ ҳудудидан ўтган темир йўл кесишмасида рўй берган. Фуқаро А.Й. бошқарувидаги №0203-рақамли электровоз ҳамда ҳайдовчи Б.Б. бошқарувидаги “Howo”русумли юк автомобили тўқнашган.
ЙТҲ оқибатида юк автомобили ҳайдовчиси тан жароҳати олган ва шифохонага олиб кетилган.
Ҳозирда бу ҳолат юзасидан вилоят ИИББ Транспортда жамоат хавфсизлигини таьминлаш бўлими томонидан терговга қадар суриштирув ҳаракатлари олиб борилмоқда.