ТОШКЕНТ, 9 сен - Sputnik. Ўзбекистон Либерал-демократик партиясининг бугун Тошкентда бўлиб ўтаётган съездида депутатлар Шавкат Мирзиёевни президентликка номзод этиб тасдиқлашди, деб хабар қилмоқда Sputnik мухбири.
Ўзбекистон Либерал-демократик партияси навбатдаги Ўзбекистон президенти сайловига партия аъзоси, Ўзбекистоннинг амалдаги президенти - Шавкат Миромонович Мирзиёев номзодини тасдиқлади, - дейилган хабарда.
Бундан олдин делегатларга президент номзодининг таржимаи ҳоли ўқиб эшиттирилди.
Эслатиб ўтамиз, навбатдаги Ўзбекистон президенти сайлов 2021 йилнинг 24 октябр куни бўлиб ўтади. Унда бешта сиёсий партия - Экологик партия, ХДП, ЎзЛиДеП, "Миллий тикланиш" ва "Адолат" партиялари ўз номзодларини қўйишади.