ТОШКЕНТ, 8 сен — Sputnik. Толибон* ҳукуматининг инаугурацияси 11 сентябр кунига белгиланди, деб хабар бермоқда РИА Новости манбаси.
Унга кўра, маросимга Россия, Хитой, Туркия, Покистон, Эрон ва Қатар таклиф этилган. Шунингдек, бош вазир ўринбосари Бародар бошқа давлатларни таклиф қилиш учун Қатарга кетмоқда.
Эслатиб ўтамиз, куни кеча, 7 сентябрь куни толиблар* Афғонистоннинг янги ҳукумати таркибини эълон қилди. Унга кўра, мамлакат бош вазирлиги Муҳаммад Ҳасан Охундга юкланган, Абдулғани Бародар унинг ўринбосари бўлади.
Ташқи ишлар вазири вазифасини бажарувчи этиб Амир Хон Мутаккий тайинланган.
* Россия ва қатор давлатларда тақиқланган террорчилик ҳаракати.