ТОШКЕНТ, 1 сен — Sputnik. Ҳарбий эксперт, МДҲ мамлакатлари институти Евроосиё интеграцияси ва ШҲТни ривожлантириш бўлими бошлиғи Владимир Евсеев Sputnik Тожикистон билан мулоқотда АҚШ қўшинларининг Афғонистондан олиб чиқилиши минтақа учун қандай таҳдидларни юзага келтириши мумкинлиги ҳақида гапирди.
Афғонистондаги миссиянинг муваффақиятсизликка юз тутиши США ҳукуматига уларнинг имконияти чекланганлигини кўрсатди, дея таъкидлади эксперт.
Шу билан бирга, контингентни чиқариш билан Штатлар қўшни давлатлар: Россия, Хитой ва Эрон учун ҳолатни анча мураккаблаштиришга умид қилишмоқда.
АҚШ ўзидан кейин нафақат қурол-яроғ ва техникани, балки ўта яхши таъминланган базаларни ҳам қолдириб кетдилар, деб қўшимча қилди Евсеев.
Экспертнинг фикрича, Афғонистондан бундай қочиш демократик партияга салбий таъсир кўрсатади, сабаби, ҳукумат солиқ тўловчилар пулини мақсадга мувофиқ сарфламади, бундай ҳолатлар эса АҚШда кўпам яхши қарши олинмайди.