Қорақалпоқ халқ ёзувчиси Тулепберген Каипбергенов ҳақида ҳужжатли фильм суратга олинди

"Қора уйдан кенг дунёга" деб номланган картина "Қорақалпоқфильм" томонидан Ўзбекистон кинематография агентлиги буюртмасига биноан суратга олинган.
Sputnik
ТОШКЕНТ, 31 авг - Sputnik. Ўзбекистон ва Қорақалпоғистон халқ ёзувчиси Тулепберген Каипбергенов ҳаёти ва ижодига бағишланган ҳужжатли фильм суратга олинди.
"Қора уйдан кенг дунёга" деб номланган картина "Қорақалпоқфильм" томонидан Ўзбекистон кинематография агентлиги буюртмасига биноан суратга олинган.
Фильм сценарий муаллифи Бахтиёр Мадиёров, режиссер Баутдин Боймирзаев.
Қорақалпоғистон қаҳрамонининг фарзанди Адилбек Каипбергенов фильм давомида Тулепберген Каипбергенов бу дунёда уч нарса: Ватани, халқи ва адабиётни деб яшаганини айтиб ўтади.
Фильмда ролларни Фарит Узакбергенов, Базарбай Узакбергенов, Давирхан Ембергенов, Айбек Шавдурбаев, Айсултан Шарипова, Сарбиназ Хабиповалар ижро этишган.