ТОШКЕНТ, 29 авг — Sputnik. Сурхондарё вилояти Бойсун туманида юк машинасини пневаматик тўппончасидан ўққа тутган ҳайдовчига қарши жиноий иш очилди. Бу ҳақда вилоят Ички ишлар бошқармаси ахборот хизмати хабар берди.
Маълум қилинишича, ҳодиса 27 август куни соат 16:34 атрофида туманнинг Шифобулоқ маҳалласи ҳудудидан ўтувчи М-39 автомобил йўлида рўй берган. "Malibu" ҳайдовчиси Д.М. "КамАЗ" юк машинасига қарата тўппончадан 2 марта ўқ узган.
Ҳозирда тўппонча, 1 дона магазин ва ўқлар текшириб кўриш учун ҳужжатлаштириб олинган.
Д.М.га нисбатан Жиноят кодексининг 277-моддаси (Безорилик) 3-қисми "б" банди билан жиноят иши қўзғатилган.