ТОШКЕНТ, 26 авг – Sputnik. Ўзбекистон Олий суди XX аср бошида қатағон бўлган 115 кишини оқлади. Бу ҳақда суд матбуот хизмати хабар бермоқда.
Республикаси Бош прокуратураси 1920-30 йилларда қатағон бўлган шахсларга нисбатан олтита жиноят ишлари юзасидан тегишли тартибда Олий суднинг Жиноят ишлари бўйича судлов ҳайъатига протестлар келтирган.
“2021 йил 25 август куни ушбу жиноят ишлари Олий суд раиси ўринбосари Икром Муслимов раислигида ўтказилган очиқ суд мажлисларида кўриб чиқилиб, келтирилган протестлар қаноатлантирилди ва ЖПКнинг 83-моддасига асосан жами 6 та жиноят иши бўйича 115 нафар шахс оқланди”, - дейилган хабарда.
Эслатиб ўтамиз, 2020 йил 8 октябрдаги мамлакат президентининг “Қатағон қурбонларининг меросини янада чуқур ўрганиш ва улар хотирасини абадийлаштиришга доир қўшимча чора-тадбирлар тўғрисида”ги фармойиши қабул қилинган эди.