ТОШКЕНТ, 24 авг — Sputnik. Россия ва Ўзбекистон тезлаштирилган рефрижераторли контейнерли поездларда экспорт учун агросаноат мажмуаси юкларини ташиш маршрутини ишга тушириш механикаси тўғрисида келишиб олдилар.
Бу ҳақда Россия экспорт маркази хабар бермоқда.
"Ҳужжат божхона, санитария ва фитосанитария тартиб-таомилларини такомиллаштириш, икки мамлакат ўртасида товарларни олиб ўтиш тартибини соддалаштириш, икки давлатнинг давлат органлари ўртасида рақамлаштириш соҳасидаги ўзаро ҳамкорликни ривожлантириш учун ўзаро таъсир форматини белгилайди, шунингдек инфратузилма лойиҳаларини амалга ошириш бўйича аниқ амалий чораларни ўз ичига олган", - дейилади хабарда.
"Ҳужжат божхона, санитария ва фитосанитария тартиб-таомилларини такомиллаштириш, икки мамлакат ўртасида товарларни олиб ўтиш тартибини соддалаштириш, икки давлатнинг давлат органлари ўртасида рақамлаштириш соҳасидаги ўзаро ҳамкорликни ривожлантириш учун ўзаро таъсир форматини белгилайди, шунингдек инфратузилма лойиҳаларини амалга ошириш бўйича аниқ амалий чораларни ўз ичига олган", - дейилади хабарда.
Шундай чоралардан бири - бу "яшил йўлак" тамойили бўйича "Агроекспресс" мунтазам маршрут бўйича қатновчи поездлар қатновини ташкиллаштиришдир, бу икки мамлакат ўртасида қишлоқ хўжалиги маҳсулотларини етказиб бериш муддатларини қисқартиришга хизмат қилади.
Россия озиқ-овқат маҳсулотлари ортилган илк "Агроэкспресс" Ўзбекистонга жорий йил куз фаслида юборилади, етказиб бериш муддати 7 кундан ошмайди.
РЭМ бош директори Вероника Никишинанинг сўзларига кўра, икки мамлакат назорат қилувчи органларининг келишилган ҳаракатлари туфайли россиялик экспортчилар етказиб беришнинг узлуксиз каналига эга бўлишади ҳамда товарлар чегарадан тезлаштирилган ҳолатда ўтиши таъминланади.