ТОШКЕНТ, 23 авг — Sputnik. Россияда таъқиқланган "Толибон" радикал ҳаракати тарафдорлари Афғонистон шимолида ёш аёлни тириклай ёқиб юборишди. Уларнинг бу ҳаракатига аёл тушликни бемаза тайёрлагани сабаб бўлган.
Бу ҳақда ҳуқуқ ҳимоячиси, собиқ судья Нажла Аюби хабар берган. Аёл сўзларидан The New York Post иқтибос келтирган.
Аюбининг сўзларига кўра, ёш аёлни жангарилар учун овқат тайёрлашга мажбурлашган, аммо уларга ёш бека томонидан тайёрланган таом манзур келмаган.
Радикаллар аёлга "сени овқатинг ёмон чиқди", деб айтиб, сўнгра уни ўлдиришган.
Ҳуқуқ ҳимоячисининг сўзларига кўра, бу толиблар ёш афғон аёлларига нисбатан содир этилаётган биринчи зўравонлик ҳолати эмас. Аюбининг таъкидига кўра, радикаллар ёш аёлларни қулликка олиб, ёпиқ тобутларда Афғонистон билан қўшни давлатларга юборишади.
Сал аввал бундай ҳолатлар ҳақида ўз манбаларига таянган ҳолда Daily Mail хабар берган эди. Нашр таъкидига кўра, жангарилар босиб олинган ҳудудлар оқсоқолларидан ўз аскарларига мажбурлар хотин қилиб бериш мақсадида аёллар ва қизлар рўйхатини талаб қилишган.
Гап аввало 15 ёшдан 45 ёшгача бўлган аёллар ҳақида борган. Аммо ҳозирда 12 ёшли болалар ҳам қулликка олинаётгани ҳақида хабарлар тарқамоқда.
Толибларнинг расмий баёнотлари эса бу сингари хабарларни рад этмоқда. Ҳаракат вакиллари аёллар ҳуқуқларига риоя этишларини, бироқ бу шариат нормалари доирасида бўлажагини таъкидлашмоқда. Радикаллар қизларга ОАВда фаолият юритишга рухсат беришди ҳамда аёлларни Афғонистоннинг келажакда шакллантириладиган ҳукуматига ишга таклиф қилишди.