ТОШКЕНТ, 19 авг – Sputnik. Ўзбекистонда коронавирус оқибатида вафот этганлар сони 1002 нафарга етди. 18 август куни COVID-19 билан касалланган яна саккиз бемор вафот этган. Бу ҳақда ССВ матбуот хизмати хабар бермоқда.
Кеча яна 844 кишида коронавирус аниқланган ва мамлакатда касалланганларнинг умумий сони 146 459 минг нафарни ташкил этмоқда.
Шу билан бирга, 18 август куни 386 нафар кишида пневмония аниқланиб, жами беморлар сони 19 586 нафарга етган. Улардан 12 168 нафари соғайиб кетган.
Шунингдек, 3 нафар бемор пневмониядан вафот этган ва шу кунгача қурбон бўлганлар сони 132 нафарни ташкил этмоқда.
Ўзбекистонда аҳолини коронавирусга қарши эмлаш ишлари давом эттирилмоқда. Жами 12,4 миллион дозадан зиёд вакцинадан фойдаланилган. Шу кунгача 1,4 миллиондан зиёд киши ковидга қарши тўлиқ эмланган.