ТОШКЕНТ, 17 авг – Sputnik. Ўзбекистон президенти Шавкат Мирзиёев “Янги Ўзбекистон” газетасига интервью берди. Унда мамлакат ташқи сиёсати ва Афғонистон ҳақида тўхталди.
Президентнинг сўзларига кўра, мамлакат янгиланиш даврига қадам қўйган биринчи кунлардан бошлаб очиқ, прагматик ва амалий ташқи сиёсат юритиш, дунёдаги барча тараққийпарвар мамлакатлар, айниқса, қўшни давлатлар билан яқин дўстлик ва ҳамкорлик муносабатларини мустаҳкамлашга устувор аҳамият қаратмоқда.
Ўзбекистон ўтган даврда ана шу стратегик йўлга доимо содиқ қолиб, ўз шериклари ҳамда халқаро ташкилотлар олдидаги мажбуриятларини тўлиқ бажариб келмоқда.
Ўзбекистон Афғонистоннинг яқин қўшниси сифатида бу мамлакатда тезроқ тинчлик ва барқарорлик ўрнатилишидан манфаатдордир
15 август куни Кобул "Толибон"*га таслим бўлди. Мамлакат президенти Ашраф Ғани "қон тўкилмаслиги учун" истеъфога чиқиб, мамлакатни тарк этганини маълум қилди.
* Россия ва қатор мамлакатларда тақиқланган террорчилик ташкилоти