ТОШКЕНТ, 17 авг — Sputnik. Душанба куни Кобул аэропортидан учиб чиққан самолётдан одамларнинг қулаб тушиши акс этган видео интернетда тарқалди, Толибон* ҳаракати вакили Суҳейл Шоҳин америкаликларни айблади.
Афғонистон ОАВлари Кобулдан учиб чиққан Америка самолётидан йиқилаётган одамлар акс этган видеони тарқатди, эҳтимол афғонлар, самолёт шассисига осилиб, қочмоқчи бўлишган.
"Америкаликлар хавфсизликни таъминлаши, ҳамма одамларнинг аэропортга киришига рухсат бермасликлари керак эди, бизнинг кучларимиз у ерда йўқ эди. Биз жавобгар эмасмиз. Улар у ерда жавоб беришган, бу бизники эмас, уларнинг самолёти эди", - деди Суҳейл Шоҳин Sky News телеканалига берган интервьюсида.
Ҳаракат вакилининг сўзларига кўра, толиблар "аэропорт хавфсизлигини таъминлашга киришганидан сўнг, бундай ҳодисалар юз бериши тўхтади".