ТОШКЕНТ, 16 авг – Sputnik. “Толибон”* ҳаракати сиёсий офисининг расмий вакили Муҳаммад Наим Афғонистондаги уруш якунланганини маълум қилди, мамлакатни бошқариш шакли тез орада аниқ бўлади.
“Мамлакатимизда 20 йил олдин бошланган бу урушни тугатдик”, - деди у “Al Jazeera” телеканали эфирида.
Наим яна Афғонистон аҳолиси ва хорижлик дипломатларнинг хавфсизлигига кафолат берган. Унинг сўзларига кўра, толиблар* барча афғон арбоблари билан мулоқотга тайёр ва уларга зарурий ҳимояни кафолат беришади.
Аввалроқ “Толибон”* вакиллари Афғонистон пойтахти Кобулни эгаллашган эди. Мамлакат президенти Ашраф Ғани истеъфога чиқиб, мамлакатни тарк этди.
* Россия ва қатор мамлакатларда тақиқланган террорчилик ташкилоти