ТОШКЕНТ, 14 авг — Sputnik. Туркияда Россиядан ижарага олинган Бе-200 ўт ўчирувчи самолёти ҳалокатга учради, деб хабар қилмоқда РИА Новости Туркия Ўрмон хўжалиги бошқармаси маълумотига асосан.
Хабарда айтилишига кўра, фожеа Кахраманмараш шаҳри яқинида содир бўлган. Айни дамда у томонга қутқарувчилар йўналтирилган.
"Экипаж аъзолари саккиз кишидан иборат - олти нафар Россиялик учувчилар ҳамда икки нафар Туркия ўрмон хўжалиги вакиллари. Айни дамда экипаж тақдири маълум эмас", - дейилган хабарда.
Эслатиб ўтамиз, шу кунларда ғайритабиий иссиқнинг узоқ муддатга сақланиб қолиши туфайли Туркиянинг жанубий соҳилида жойлашган дам олиш масканлари яқинида юзлаб гектар ўрмонлар олов ичида қолди. Туркия ҳукумати Бодрум, Мармарис ва Аланья каби дам олиш масканларидан минглаб туристларни эвакуация қилишга мажбур бўлди. Ўрмон хўжалиги вазирлиги маълумотига кўра, шу кунга қадар 183 киши ёнғинда қурбон бўлди.