ТОШКЕНТ, 1 авг — Sputnik. Жиззах вилояти Зомин туманидаги ўрмон ёнғини ўчирилди. Бу ҳақда ФВВ матбуот хизмати хабар берди.
Қайд этилишича, Ўриклисой қишлоғига ҳудудига яқин жойда тахминан 80 га. майдонда қуруқ ўт ва дарахтлар ёнган.
Ёнғинни ўчириш учун ФВВ, ИИВ, Миллий гвардия, Мудофаа вазирлиги, Чегара қўшинлари, Давлат ўрмон хўжалиги қўмитаси, 14 та ёнғин ўчириш экипажи ва 1 та ёнғин қутқарув отряди, 4 та вертолёт жалб этилган. Эрталаб соат 10:40 ларда бошланган ёнғин соат 18:20 батамом ўчирилган.
Тегишли идораларнинг куч воситаларининг ўз вақтидаги ҳаракатлари натижасида ёнғин яқин атрофдаги аҳоли пунктларига ўтмади, деб қўшимча қилинган хабарда.