ТОШКЕНТ, 1 авг — Sputnik. Шарқий ҳарбий округга қарашли “Ғурумсарой” дала ўқув майдонида 26-30 июль кунлари Ўзбекистон ва Тожикистон ҳарбий хизматчилари иштирокида “Жанговар ҳамдўстлик – 2021” деб номланган махсус тактик ўқув машғулотлари бўлиб ўтди. Бу ҳақда Ўзбекистон Мудофаа вазирлиги матбуот хизмати хабар берди.
Қўшни давлат ҳарбийлари бу машғулотларда Тожикистон Қуролли Кучлари қуруқликдаги қўшинлари қўмондони ўринбосари полковник Фатҳулло Идотуллозода бошчилигидаги иштирок этди.
Ўқув машғулотлари жараёнида ўзбек-тожик ҳарбийлари касбий фаолиятлари юзасидан ўзаро малака ва тажриба алмашишди.
30 июль куни икки давлат Қуролли Кучлари ҳамкорлигида ўтказилган “Жанговар ҳамдўстлик – 2021” махсус тактик ўқувининг асосий жараёнлари якунига етди.