ТОШКЕНТ, 26 июл — Sputnik. Бугун, 26 июл куни соат 13:14да Тошкент шаҳар Фавқулодда вазиятлар бошқармасига Олмазор тумани Аҳмад Дониш кўчасида жойлашган “Замондош” ошхонасида ёнғин содир бўлаётганлиги тўғрисида хабар келиб тушди.
Спасатели ликвидировали пожар в столичном кафе
© Пресс-служба МЧС Узбекистана
Қисқа вақт ичида Фавқулодда вазиятлар вазирлигининг 5 та ёнғин-қутқарув гуруҳи воқеа жойга жалб этилди. Бинонинг тахминан 400 кв.метр майдони ёнғиндан зарарланган.
Ёнғин соат 13:33да ўраб олинди ва соат 14:31 батамом ўчирилди.
Воқеа жойига Фавқулодда вазиятлар вазирлиги раҳбарияти етиб борган. Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмади.