ТОШКЕНТ, 24 июл – Sputnik. Бугун Россия президенти Владимир Путин ва бошқа бир неча президентлар Шавкат Мирзиёевни таваллуд айёми билан табриклашди, деб хабар қилмоқда президент матбуот хизмати.
Суҳбат аввалида Владимир Путин Шавкат Мирзиёевни таваллуд айёми билан дилдан муборакбод этиб, Ўзбекистон халқига тинчлик, фаровонлик ва бардавом равнақ тилади, - дейилган хабарда.
Шунингдек, президентлар Ўзбекистон-Россия стратегик ҳамкорлик ва иттифоқчилик муносабатлари, нинг долзарб масалалари кўриб чиқилди. Олий даражадаги тадбирлар режаси муҳокама қилинди.
Ундан ташқари Ўзбекистонда коронавирусга қарши вакциналар ишлаб чиқариш бўйича қўшма қувватларни тез фурсатда ишга тушириш муҳим экани алоҳида таъкидланди.
Шу билан бирга президентлар Афғонистон бўйича вазият юзасидан фикр алмашдилар.
Президент матбуот котиби хабар қилишига кўра, бугун Шавкат Мирзиёевни таваллуд айёми билан табриклаш учун Тожикистон, Қирғизистон, Қозоғистон, Туркманистон президентлари ҳам қўнғироқ қилишган.
Унда ташқари ХХР раиси Си Цзиньпин, Туркия президент Тоййиб Эрдўғон, Миср президенти ас-Сиси, Беларус президенти Лукашенко, Озарбайжон президенти Алиев, Жанубий Корея президенти Мун Чже Ин, Қозоғистон биринчи президенти Назарбаев ва бошқа бир неча раҳбарлар табрикнома йўллашган.