ТОШКЕНТ, 23 июл – Sputnik. Қашқадарё вилоятининг Шахрисабз шаҳрида 22 июль куни фуқаро ФВВ бўлинмасига ёрдам сўраб мурожаат қилди.
Маълум бўлишича, A.Қодирий кўчаси 28-уйда яшовчи фуқаронинг сигири ҳовлисидаги чуқурлиги 5 метр бўлган қудуққа тушиб кетган.
Мурожаатдан сўнг Шахрисабздаги ФВВнинг ёнғин-қутқарув бўлинмаси ходимлари фуқаро манзилиги зудлик билан етиб келиб, қудуққа тушиб кетган сигирни эҳтиёткорлик билан, қудуқдан олиб олиб чиқишган.
Қутқарув операциясида камида 6 нафар ФВВ ходими иштирок этган. Қутқарув жараёнида сигирга ҳеч қандай жароҳат етказилмаган. Баракалло қутқарувчилар!