ТОШКЕНТ, 23 июл — Sputnik. Таниқли гимнастикачи Оксана Чусовитина Токио-2020 Олимпия ўйинларида Ўзбекистон байроғини кўтариб чиқмайдиган бўлди. Бу ҳақида спортчининг ўзи Sputnik мухбирига маълум қилди.
Спортчи айтишига кўра, ушбу вазият уни мусобақалар олдидан хафа қилган.
“Менга ҳеч ким сабабини тушунтирмади, фақат сен чиқмайсан дейишди тамом. <...> Мотивацияни ўлдиришди. <...> Ҳеч бўлмаса сабабини тушунтириб беришса бўларди. Ҳаммамиз ҳам одам-ку, тушунардик”, - деди Чусовитина.
Эслатиб ўтамиз, 17 июл куни Ўзбекистон Миллий Олимпия қўмитаси Токио Олимпиадасининг очилиш маросимида Ўзбекистон байроғини Оксана Чусовитина ва боксчи Бобо-Усмон Батуров олиб чиқишини хабар қилишган эди. Лекин 22 июл куни маълум бўлишича XXXII ёзги Олимпия Ўйинларида Ўзбекистон байроғини боксчи Баҳодир Жалолов ва тхэквондочи Нигора Турсунқулова кўтариб чиқиши маълум бўлган.
Ўзбекистон Миллий Олимпия қўмитаси ҳозирча вазиятга ҳозирча изоҳ бергани йўқ. Ушбу мавзуда Sputnik томонидан юборилган сўровларга ҳам ҳозирча жавоб келмади.