ТОШКЕНТ, 16 июл – Sputnik. Россия ташқи ишлар вазири Сергей Лавров Ўзбекистон президенти Шавкат Мирзиёевнинг бугун Тошкентда бўлиб ўтган “Марказий ва Жанубий Осиё 2021”халқаро анжуманида сўзлаган нутқи ва ташаббусларига юқори баҳо берди. Sputnik мухбири хабарига асосан.
“Ўзбекистон президентининг салмоқли нутқида биз жуда кўп ва бизнингча жуда тўғри ташаббусларни тингладик. Шавкат Миромонович Мирзиёев Марказий ва Жанубий Осиё минтақалари орасидаги боғлиқликни муайян ишларга айлантириш мумкин бўлган 10та ташаббус билдирди. Улар ушбу ҳудуднинг кўп асирлик тарихи ва тажрибасига асосланган бўлиб, замонавий технологиялар ёрдамида муносабатларни янгидан ривожлантиришни назарда тутади. Бизнингча бу жуда яхши бирикма ва у максимал натижага эришишга хизмат қилади”, - деди Сергей Лавров.
Шунингдек, Россия ташқи ишлар вазири АҚШ ҳарбий базалари Марказий Осиё ҳудудида жойлаштирилиши мумкинлиги ҳақидаги хабарларга ишонмаслигини билдирди. Бу борада вазир “Ўзбекистон ва Покистон” АҚШга дарҳол рад жавобини беришди. Бошқа республикалар ҳам бунга хайрихоҳ эмас деб жавоб қайтарди.
Бугун Тошкентда бўлиб ўтаётган юқори даражали халқаро Анжуманда дунёнинг 44 мамлакатидан иккита олий ва юқори даражали делегация, 15та парламент делегациялари, 37та ТИВ делегациялари ва 10та вазирлик ва турли йўналишдаги муассаса делегациялари, 180дан ортиқ ишбилармон доира вакиллари ташриф буюрган. Тадбир арафасида меҳмонлар умумий сони 600нафарга яқин бўлиши эълон қилинган эди.