ТОШКЕНТ, 15 июл — Sputnik. Туркиянинг “Vatan Danismanlik” консалтинг компанияси билан ҳамкорлик шартномаси имзоланди.
Шартномани Ташқи меҳнат миграцияси агентлиги бошлиғи ўринбосари Хўжаакбар Файзуллахўжаев ва “Vatan Danışmanlık” консалтинг компанияси бош директори Aлааттин Шаҳин имзолади.
Агентликда ташкил этилган учрашувда Туркияда ишлаб чиқариш ва хизмат кўрсатиш соҳаларида вақтинчалик меҳнат фаолиятини амалга ошириш учун Ўзбекистон фуқароларини ташкиллаштирилган ҳолда ишга жалб қилиш масалалари бўйича музокаралар олиб борилган.
Якунда имзоланган шартномага биноан Ўзбекистон фуқаролари ташкилий танлов асосида Туркияга вақтинчалик меҳнат фаолиятига жалб этилади.