ТОШКЕНТ, 8 июл — Sputnik. Нодир Муслитдинов мактабгача таълим вазирининг янги ўринбосари этиб тайинланди. Бу ҳақда вазирлик матбуот хизмати хабар берди.
Шодиёр Маматкулов бошқа ишга ўтиши муносабати билан мактабгача таълим вазирининг ўринбосари лавозимидан озод этилган.
Нодир Муслитдинов бунгача у Молия вазирлигининг Аҳолини ижтимоий ҳимоя қилиш ва давлат ижтимоий хизматлари тармоқларида бюджет сиёсати департаменти директори лавозимида фаолият юритган.
Нодир Муслимдинов 1977 йилда Бухоро вилоятида туғилган. 1999 йилда Бухоро озиқ-овқат ва енгил саноат технологик институтини тамомлаган
2001 йилдан Молия вазирлиги тизимидаги ташкилотларда ишлай бошлаган. 2014-2016 йилларда Молия вазирлиги ижтимоий соҳа ва фанни молиялаштириш бош бошқармаси Маданият ва спортни молиялаштириш бўлими бошлиғи, 2016-2017 йилларда Молия вазирлиги ижтимоий ва илмий молиялаштириш бош бошқармаси бошлиғи муовини, 2017-2019 йилларда Молия вазирлиги ижтимоий ва илмий молиялаштириш бош бошқармаси бошлиғининг биринчи ўринбосари, 2019-2020 йилларда Молия вазирлиги ижтимоий ва илмий молиялаштириш бош бошқармаси бошлиғи каби турли раҳбар лавозимларда ишлаган.