ТОШКЕНТ, 2 июл — Sputnik. Тошкент механика заводи (ТМЗ) Украинанинг "Антонов" давлат корхонаси билансамолётлар учун эҳтиёт қисмлар етказиб бериш борасида шартнома имзолашди, деб хабар қилмоқда ТМЗ.
Завод бош директори Зафар Исоқов ва "Антонов" корхонаси бош директори Александр Двейрин ҳамда Welfare Investment Alliance билан биргаликда Тошкентда авиация соҳасида ҳамкорлик масалаларини муҳокама қлишди.
“Олдин ишлаб чиқилган маҳсулотларни экспорт қилиш, ТМЗ ва “Антонов” орасида саноат кооперациясини йўлга қўйиш асосида замонавий самолётлар учун деталлар ва эҳтиёт қисмлари ишлаб чиқариш имкониятлари муҳокама қилинди”, - дейилган хабарда.
Томонлар ТМЗнинг техник потенциали ва “Антонов” ДК буюртмасига асосан самолёт деталлари ишлаб чиқариш имкониятларини ўрганиш мақсадида йўл харитасини мувофиқлаштириш ҳамда мутахассислар иштирокида ишчи гуруҳ тузишга келишиб олишди.
Встреча в Киеве учредителя инвестиционной компании "Welfare Investment Alliance" Алишера Абдуалиева с гендиректором ГП "Антонов" Сергеем Бычковым
© ТМЗ
Ўзбекистонда авиация саноати бир вақтлар 45 минг киши ишлаган ТАПОиЧ заводига асосланган эди. Корхона 1941 йилда Москва вилоятидан эвакуация қилинган авиазавод асосида пайдо бўлган эди. ТАПОиЧда Ил-76 транспорт самолётлари ҳамда яқин масофага учувчи Ил-114 йўловчи самолётларини ишлаб чиқариш йўлга қўйилган эди. Ундан ташқари Ан-70 самолётлари учун қанотлар ишлаб чиқарилар эди.
2014 йилнинг январ ойида авиация заводи “Тошкент Механика заводи” АЖ сифатида қайта ташкил қилинган эди. Корхонада Ил-114 ва Ил-76 самолётлари учун деталлар ишлаб чиқаришни қисман сақлаб қолиш режалаштирилган эди.
Айни дамда ТМЗ “Ўзбекистон темир йўллари” АЖ таркибига киритилган бўлиб, у ерда асосан қурилиш конструкциялари, маиший маҳсулотлар, автомобиллар, темирйўл ва қишлоқ хўжалик техникаси учун эҳтиёт қисмлар ишлаб чиқарилади.
2020 йилнинг декабр ойда Ўзбекистон президенти Шавкат Мирзиёев бир вақтлар Ўзбекистон ўз “қўлиб билан ёпган” авиация саноатини қайта тиклашни орзу қилишини айтиб ўтган эди.
Встреча в Киеве учредителя инвестиционной компании "Welfare Investment Alliance" Алишера Абдуалиева с гендиректором ГП "Антонов" Сергеем Бычковым
© ТМЗ