ТОШКЕНТ, 30 июн - Sputnik. Россия президенти Владимир Путин коронавирусга қарши Спутник V билан эмланганини тан олди.
"Қуролли кучларимиз ҳам "Спутник V" билан эмланмоқда, мен эса ҳарҳолда Бош қўмондонман", — деди президент "Тўғридан-тўғри мулоқот" давомида.
Давлат раҳбари эмланган вақтида оборотда фақат "Спутник V" ва "ЭпиВакКорона" бўлганлигини айтди ҳамда иккала препарат ҳам яхши эканини таъкидлади.
Путиннинг сўзларига кўра, у вакцинани шифокорлар маслаҳатига кўра ҳам эмас, кўпроқ танишлар тажрибасига таянган ҳолда танлаган.
"Спутник V"да РФ раҳбарини унинг узоқроқ давом этувчи таъсир муддати ўзига жалб қилган.
Уколлардан кейин Путин ўзини яхши ҳис этган, фақат иккинчи уколдан кейин бир оз ҳарорати кўтарилган.
Ўз сўзи якунида Россия етакчиси россияликларни вакцина олишга чақирди.