ТОШКЕНТ, 30 июн - Sputnik. Ўзбекистонда кеча 487 кишида коронавирус инфекцияси қайд этилиб, касалланганлар сони 110 677 нафарга етди, деб хабар бермоқда Соғлиқни сақлаш вазирлиги матбуот хизмати.
Янги касалланиш ҳолатлари мамлакатнинг барча регионларида аниқланган.
Касалликдан соғайганлар жами 107063 (+647) нафарга етган ва соғайиш кўрсаткичи 96 фоизни ташкил этмоқда.
Шунингдек, 3 нафар коронавирусга чалинган бемор вафот этиб, касалликдан вафот этганлар сони 736 нафарни ташкил қилди.
Айни пайтда тиббиёт муассасаларида 2878 нафар бемор даволанмоқда.