ТОШКЕНТ, 9 июн - Sputnik. Қатар Ташқи ишлар вазири Ўзбекистонга ташрифи кутилмоқда. Бу ҳақда Ўзбекистон ТИВ ахборот-хизмати хабар бермоқда.
"2021-йилнинг 9-10 июн кунлари Ўзбекистонга Қатар Давлати Бош вазири ўринбосари, Ташқи ишлар вазири шайх Муҳаммад бин Абдураҳмон бин Жосим Ол Соний бошчилигидаги делегация ташриф буюради", - дейилади хабарда.
Бўлажак учрашувлар ва музокаралар чоғида сиёсий, савдо-иқтисодий, инвестициявий, транспорт-логистика ва бошқа соҳалардаги Ўзбекистон-Қатар муносабатларининг ҳозирги ҳолати ҳамда ривожланиш истиқболларини муҳокама қилиш ҳамда минтақавий ва халқаро масалалар юзасидан фикр алмашиш режалаштирилган.