ТОШКЕНТ, 8 июн — Sputnik. Жаҳон Чемпионати саралаш босқичидан ўрин олган Ўзбекистон - Сингапур учрашуви Саудия Арабистонидаги “Қирол Фаҳд” стадионида бўлиб ўтди.
“Оқ бўрилар” ўйиннинг илк дақиқаларидан майдондаги устунликни намойиш этишди ва бу 6-дақиқада Жалолиддин Машариповнинг голи билан ўз мевасини берди. Биринчи бўлим давомида тўпга эгалик қилиш бўйича Ўзбекистон миллий терма жамоси устунликка эгалик қилди.
Футболист Жалолиддин Машарипов
© Ассоциация футбола Узбекистана
35-дақиқада Жалолиддин Машарипов учрашувдаги ўзининг иккинчи голини урди. Биринчи бўлимга 2 дақиқа қўшилди. Элдор Шомуродов бундай унумли фойдаланиб, ўйиндаги учинчи голга муаллифлик қилди. Шу тариқа биринчи бўлим ўзбекистонлик футболчиларнинг яққол устунлиги билан якунланди.
Элдор Шомуродов
© Ассоциация футбола Узбекистана
Иккинчи бўлим бошида "оқ бўрилар" сардори жамоанинг имкониятлари яна оширди. 50-дақиқада Одил Аҳмедовнинг голидан сўнг ҳисоб 4:0 кўринишига келди. 86-дақиқада Одил Аҳмедовнинг жарима майдони томон йўллаган тўпни сингапурлик Ҳафиз Нор ўз дарвозасига йўллаб юборди. Ҳисоб 5:0 кўринишда ўзбекистонлик футболчилар фойдасига ҳал бўлди.
Футболист Одил Ахмедов
© Ассоциация футбола Узбекистана
Ўзбекистон терма жамоаси эндиликда Яман (11 июнь) ва Саудия Арабистонига (15 июнь) қарши майдонга тушади. Бу ғалаба уларга бу баҳсларда катта ишонч бағишлаши шубҳасиз.