Туркиядаги Мармар денгизини шилимшиқ суюқлик қоплади
Истанбул жанубидаги Мармар денгиз органик суюқлик ва микроскопик сув ўтлари қатлами билан қопланди.
Экспертларнинг сўзларига қараганда, гель моддасини эслатувчи модда сув тагида ҳам бор.
Шилимшиқдан балиқчилик ва экотизим жабр кўрмоқда.
У сувга кислород кириш йўлларини ёпиб билан кўплаб сув жонзотларининг нобуд бўлишига олиб келиши мумкин.
"Билим-2" тадқиқот кемаси уч кундан бери денгизда ва у ерда яна тўрт кун бўлади.
Олинган натижалар Туркия Атроф-муҳит вазирлигига текшириш учун жўнатилади.
Олимларнинг фикрига кўра, сув юзидаги бу шилимшиқ суюқлик тозаланмаган чиқиндиларни денгизга ташлаш ва глобал исиш фонида сув ҳароратининг кўтарилиши туфайли юзага келган.
Олимлар илгари ушбу ҳодисанинг бундай кенг тарқалиши кузатилмаганини айтишмоқда
Денгиз сувида кислород даражаси жиддий пасайган ва зудлик билан чора кўришни талаб қилади.
Туркия президенти Ражаб Эрдоған муаммонинг ҳал қилиш йўлини топишга ваъда берди: "Денгизларимизни қутқарамиз, айниқса Мармар денгизини бу шилимшиқлик балосидан", - деди у.