ТОШКЕНТ, 6 июн — Sputnik. Қирғизистон ва Тожикистон қўшинларни икки мамлакат чегара чизиғидан узоқлаштирди. Бу ҳақда Қирғизистон давлат чегара хизмати матбуот хизмати хабар берди.
“Қирғизистон ва Тожикистон ҳукуматларининг қирғиз-тожик давлат чегарасини делимитация ва демаркация қилиш бўйича музокаралари якунга кўра томонларнинг қўшимча куч ва воситаларини ўзининг доимий жойлашув жойига олиб кетиш якунланди”, - дея маълум қилган идора вакили РИА Новостига.
Таъкидланишича, Қирғизистоннинг Ўш вилояти Чон-Алай тумани Унжу-Булоқ манзилидаги вазият барқарор. Тожик-қирғиз чегарасида жойлашган ерда чегара хизмати бўлимлари кучайтирилган равишда қўриқламоқда.
Куни кеча Қирғизистон ва Тожикистон вакиллари қўшинларни қўшма чегарадан узоқлаштириш ҳамда чегара постини мамлакатнинг 3 км ичкарисига кўчиришга келишиб олган эди.