ТОШКЕНТ, 3 июн — Sputnik. Москвага 300 минг нафарга яқин меҳнат мигрантлари етишмаяпти. Бу ҳақда Москва мэрининг иқтисодиёт сиёсати масалалар ва мол-мулк ер алоқалари бўйича ўринбосари Владимир Ефимов маълум қилди.
Петербургдаги халқаро иқтисодий форумда у РИА Новостига қурилиш соҳасида меҳнат ресурслари билан боғлиқ муаммо тобора жиддийлашиб бораётганини билдирди.
“Одатда шаҳримизда бир миллион атрофида меҳнат мигрантлари ишлайди, бугунги кунда эса улар сони 700 минг атрофида, яъни тахминан 300 минг киши иқтисодда етишмаяпти”, - деди Владимир Ефимов.
Унинг сўзларига кўра, Россия пойтахтида аста-секин патент расмийлаштиришга бораётган мигрантлар кўпаймоқда. Бироқ бу инқирозга қадар давридагидек кам.
“Биз ҳозир кунига Москвада ишла учун келаётган 600-700 кишини қайд этмоқдамиз”, - деди мэр ўринбосари.
Ефимов меҳнат мигрантларининг мамлакатга киришига оид мавжуд чекловларни керагидан ортиқ деб ҳисоблайди.
“Умид қиламизки, яқин орада бу механизмлар соддалаштирилади”, - деди у.
Ўзбекистон томонининг расмий маълумотларига кўра, бугун 1,7 млн ўзбекистонлик чет элда, асосан, Россия ва Қозоғистонда меҳнат қилмоқда.
Эслатиб ўтамиз, аввалроқ Россияга ишлаш мақсадида келаётган ўзбекистонликлар сони 42 фоизга камайгани хабар қилинган эди.