ТОШКЕНТ, 1 июн — Sputnik. Қирғизистон парламенти собиқ раиси ва собиқ президент Сооронбай Жээнбековнинг укаси Aсилбек Жээнбеков коррупцияда гумон қилиниб ҳибсга олинди.
Депутат Жогорку Кенеша Асылбек Жээнбеков
© Sputnik / Табылды Кадырбеков
Шунингдек, Жокоргу Кенеш депутати Торобай Зулпукаров ҳам коррупцияда гумон қилиниб ушланган.
Депутат Жогорку Кенеша Торобай Зулпукаров
© Sputnik / Табылды Кадырбеков
Улар Қумтор олтин конини ўзлаштириш лойиҳасини амалга оширишдаги коррупция ҳолатлари бўйича қўзғатилган жиноий иш доирасида ҳибсга олинган.
Қирғизистонда суд биноси олдида қўлга олинган депутатлар Aсилбек Жээнбеков ва Торобай Зулпукаровнинг тарафдорлари тўпланди. Улар депутатлар ноқонуний қўлга олинганини айтиб, сиёсатчиларни озод қилишни талаб қилишган.
РИА Новостининг ёзишича, Бишкекнинг Биринчи май туман суди Жээнбеков ва Зулпукаровга нисбатан икки ой муддатга қамоқ эҳтиёт чорасини қўллаш тўғрисида қарор чиқарган.
Асилбек Жээнбеков 2020 йил октябридаги уюштирилган оммавий намойишлар ортидан истеъфога чиққан Қирғизистон собиқ президенти Сооронбай Жээнбековнинг туғишган укаси. Парламент депутати, 2011 йилан 2016 йилгача Қирғизистон парламенти спикери лавозимида ишлаган. Зулпукаров ҳам парламент депутати, илгари спикер ўринбосари лавозимини эгаллаган эди.