ТОШКЕНТ, 1 июн — Sputnik. Бугун, 1 июн куни Қуёшдан ажралган плазма булути Ерга етиб келади. Бу ҳақда spaceweather.com сайти маълум қилди.
Таъкидланишича, 28 май куни Қуёшдан булут ажралиб чиқди. Олимларнинг сўзларига кўра, бу янги 25 Қуёш циклида қайд этилган энг ёрқин ва тезкор космик ҳодиса.
Қуёш атмосферасидан кучли плазма ажралиб чиқди, безовта бўлишга ҳожати йўқ - Ерга фақат булутнинг ташқи томони етиб боради.
Ер учун ҳеч қандай хавф йўқ. Аксинча, қутб кенгликларида истиқомат қилувчи аҳоли "ажоийб ёруғлик шоусини" томоша қилиши мумкин.
Тадқиқотчилар, шунингдек, геомагнит бўронлар ҳақида огоҳлантирдилар, аммо улар унчалик кучли бўлмайди.