ТОШКЕНТ, 30 май — Sputnik. Кеча Ўзбекистонда яна 280 кишида коронавирус аниқланди. Жами касалланганлар сони 100 124 нафарни ташкил этмоқда. Бу ҳақда Соғлиқни сақлаш вазирлиги матбуот хизмати хабар қилмоқда.
Кеча энг кўп касалланганлар Тошкент шаҳри (127), Тошкент (46) ва Самарқанд (40) вилоятларида аниқланган. Қолган ҳудудларда 2 тадан 13 тага янги касалланиш ҳолати қайд этилган.
Мамлакатда соғайганлар 95 786 (+257) нафарга етган ва соғайиш кўрсаткичи 96 фоизни ташкил этмоқда.
Кеча яна икки бемор вафот этиб, қурбонлар сони 690 нафарга етган.
Айни пайтда тиббиёт муассасаларида 3648 нафар бемор даволанмоқда.