ТОШКЕНТ, 30 май — Sputnik. Европа дори воситалари агентлиги (ЕМА) коронавирусга қарши Россия вакцинаси “Спутник V”нинг сертификатлаш жараёнини тезлаштириши лозим. Бу ҳақда герман федерал ери Бавария бош вазири Маркус Зёдер маълум қилди, деб ёзади “Bild am Sonntag” газетаси.
“Эмлаш суръатларини сусайтирмаслик керак. Аввало, “Спутник V” атрофидаги жараённи (ЕИда рўйхатга олиш) тезлаштирмоқ зарур”, - деди сиёсатчи. Унинг сўзларига кўра, бу жараённи ғоявий сабабларга пайсалга солиш керак эмас.
Россия вакцинаси ЕМА томонидан маъқулланса, Бавария унинг 2,5 миллион дозасини олишни кутяпти.
Россиянинг коронавирусга қарши “Спутник V” вакцинасидан аллақачон 66 та мамлакатда фойдаланишга рухсат берилган. Бу мамлакатларнинг умумий аҳолиси 3,2 миллиарддан зиёд кишини ташкил этади. Нуфузли “Lancet” халқаро илмий журнал маълумотларига кўра, вакцинанинг самарадорлиги 91 фоиздан юқорироқ. Бу бугунги кунда энг юқори кўрсатгичлардан бири саналади.