ТОШКЕНТ, 27 май — Sputnik. Россия президенти матбуот котиби Дмитрий Песков Польша президенти Анджей Дуданинг сўзларига муносабат билдирди.
Дуда Грузияга расмий ташрифи давомида Россияни “нормал бўлмаган мамлакат” ва “тажовузкор” деб атаган эди.
“Биз бундай гапларга жуда ёмон муносабатдамиз. У бизга маъқул эмас, ва биз уни қабул қилмаймиз”, - деди Песков.
У Россия дўстликни севувчи, кучли, ўзига ишонган ва мустақил мамлакат эканини таъкидлаган. Бу сифатларга эга бўлган ҳолда қўшни мамлакатлар, жумладан, Польша билан дўстона муносабатларга интилади.
“Мамлакатимизга бўлган нафрат айрим польшалик сиёсатчилар, жумладан, президентнинг ҳам (Польша президенти Анжей Дуда) кўзларини тўлдираётгани, ва бу уларга сиёсий доноликни намоён этишга имкон бермаётганидан ачинамиз”, - деди Песков. Унинг сўзларидан РИА Новости иқтибос келтирган.