ТОШКЕНТ, 24 май — Sputnik. Россия фуқаролигини олган мигрантларга Конституция берилади.
Россия президенти Владимир Путин топшириғига асосан биринчи паспортни олаётган фуқароларга Конституция тақдим этиш тўғрисидаги ҳукумат қарори қабул қилинди.
1 июлдан бошлаб Россия паспортини биринчи марта олган фуқароларга, хусусан 14 ёшли россияликлар, шунингдек Россия фуқаролигини олган чет элликларга Конституциянинг нусхаси берилади.
Ҳукумат қарори билан Россия Федерацияси фуқароси паспорти тўғрисидаги низомга ўзгартиришлар киритилди. Бу ватанпарварлик тарбия даражасини ошириш, давлат рамзларига нисбатан эҳтиёткорлик ва ҳурмат билан муносабатда бўлишига ёрдам беради.