ТОШКЕНТ, 24 май — Sputnik. Россия президенти Владимир Путин Сочида бўлиб ўтган Қирғизистон раҳбари Садир Жапаров билан учрашувда тожик-қирғиз чегарасида юзага келган вазиятни муҳокама қилди.
Россия етакчисининг сўзларига кўра, у тожик-қирғиз чегарасидаги вазиятни диққат ва катта хавотир билан кузатган. Путин яқинда Тожикистон президенти Эмомали Раҳмон Москвада ташриф билан бўлгани ва у билан ҳам бу масалани муҳокама қилганини таъкидлади.
“Икки томоннинг барча баҳсли масалаларни шунга ўхшаш музокаралар чоғида ҳал қилиш кераклиги тўғрисидаги қарорини ижобий қабул қилдик”, - деди Путин. Унинг сўзларидан РИА Новости иқтибос келтирган.
У бу мақсадга айнан шундай усул билан эришиш мумкинлигига ишонч билдирди.
“Сизларга бу масалаларда ёрдам бериш учун қўлимиздан келган барча ишни қиламиз”, - дея ишонтирди Россия раҳбари.