ТОШКЕНТ, 24 май — Sputnik. 24 май куни эрталаб соат 08:52да, №4 йўналиш бўйлаб ҳаракатланаётган поезд, техник сабабларга кўра “Ҳамид Олимжон” бекатида тўхтади.
“Тошкент метрополитени” УК маълум қилишича, бу воқеа ҳайдовчи томонидан поезд носозлигини аниқланиши муносабати билан содир бўлди. Кўрсатмага кўра, йўловчилар туширилди ва поезд захирага "Пахтакор" станциясининг берк қисмига жўнатилди.
№16 йўналиш бўйича орқадан келаётган поезд йўловчиларни олиб, жадвалга мувофиқ ҳаракатланишни давом эттирди.