ТОШКЕНТ, 24 май — Sputnik. Халқ таълими вазирлиги 25 май куни барча мактабларда “Сўнгги қўнғироқ” тадбирларини ўтказишга рухсат берди.
Маълум қилинишича, тадбир карантин қоидаларига қатъий риоя этган ҳолда ўтказилиши керак. Жорий йилда 438 мингга яқин битирувчилар мактаб билан хайрлашишади.
Вазирлик тадбирларни ортиқча харажатларсиз ва турли хил алоҳида кийим-кечак, безак, совғалар ва шу кабиларга катта маблағ сарфламасдан ўтказишни сўраган.
Эслатиб ўтамиз, аввалроқ Ўзбекистон мактабларида якуний имтиҳонлар 26 майдан бошланиши хабар қилинган эди. Жорий йилда барча умумтаълим мактабларида босқичли назорат ва якуний давлат имтиҳонлари ўтказилади.