ТОШКЕНТ, 18 май — Sputnik. Россияда тез орада COVID-19 га қарши тўртинчи вакцина кенг муомилага чиқарилади. Бу ҳақда Россия президенти Владимир Путин хорижий давлатлар элчилари томонидан ишонч ёрлиқларини топшириш маросимида маълум қилди.
“Биз зудлик билан коронавирусга қарши учта ўзимизнинг самарали вакцинамизни яратишга муваффақ бўлдик. Тез орада тўртинчиси муомилага чиқарилади”, - деди Путин. Унинг сўзларидан РИА Новости иқтибос келтирган.
Россия етакчиси гап айнан қайси препарат ҳақида кетаётганлигини очиқламаган.
Россияда коронавирусга қарши учта вакцина рўйхатга олинган. Бу Гамалея марказининг “Спутник V”, “Вектор” марказининг “ЭпиВакКорона” ҳамда Чумаков марказ томонидан яратилган “КовиВак” вакциналаридир.
Бугунги кунда “Спутник Лайт” вакцинаси Россияда охирги рўйхатга олинган вакцина бўлади.