ТОШКЕНТ, 13 май - Sputnik. Россия президенти Владимир Путин Россияга қўшни бўлган давлатларда рус тилини ўрганишни қўллаб-қувватлашга лозим эътибор қаратишга чақирди, нега деганда "бугун амалга оширилаётгани аниқ етарли эмас".
"Бизнинг олийгоҳларимизда қўшни давлатлардан бўлган иқтидорли ёшларга ўқиш имкониятининг тақдим этилиши: МДҲ бўйича шерикларимиз билан биргаликдаги ҳамкорлигимизнинг жуда муҳим қисмидир. Аммо, шундай бўлса-да, бу давлатларда рус тилини ривожлантиришга, рус тилини ўрганишга етарлича қўллаб-қувватлаш ишларига лозим эътибор қаратмоғимиз керак", - деди Путин пайшанба куни РФ ҳукумати билан ўтказган йиғилишида.
Путин маориф вазири Сергей Кравцовдан бу соҳада қўшимча таклифларни тақдим этишни сўради.
"Нега деганда, бугун амалга оширилаётган ишлар, кўриниб турибди-ки, етарли эмас. Ҳа, биз бу йўналишда ишлаяпмиз, аммо, яна бир бор такрорлайман, бугун амалга ошираётганимиздан кўра кўпроқ қилиш мумкин ва лозим", - деди Путин.