ТОШКЕНТ, 13 май — Sputnik. Россия президенти Владимир Путин мамлакат мусулмонларини Рамазон ҳайити билан табриклади. Табрик Кремль сайтида чоп қилинган.
“Россияда ислом издошлари ота-боболарининг кўп асрли тарихий, диний, маданий анъаналарига буюк эҳтиром билан қарашади, уларни авайлаб авлоддан-авлодга бериб келишмоқда”, - дейилади Россия етакчиси табригида.
Путин мусулмонлар мамлакат ҳаётида фаол иштирок этаётгани, давлат ва жамоат тузилмалари билан ўзаро ҳамкорликни мустаҳкамлаётгани ҳамда хайрия, таълим ва маърифий ташаббусларга эътибор қаратаётганини таъкидлаган.
Шунингдек, у одамларга қийинчиликни енгишга ёрдам бераётган мусулмон ташкилотларининг фидокорона фаолиятини алоҳида қайд этган.
Бу йил дунё мўмин-мусулмонлари улуғ ва муборак айём – Рамазон ҳайитини 13 май куни нишонлашмоқда.