ТОШКЕНТ, 13 май — Sputnik. Ўзбекистон ташқи ишлар вазири Абдулазиз Камилов Тожикистоннинг мамлакатда янги элчиси этиб тайинланган Абдужаббор Раҳмонзодани қабул қилди. Бу ҳақда ТИВ матбуот хизмати хабар берди.
Камилов ишонч ёрлиқлари нусхасини қабул қилиб олиб, элчини Ўзбекистонда фаолият бошлагани билан табриклади ҳамда ушбу юқори ва масъулиятли лавозимда мувафаққиятлар тилади.
Учрашув чоғида икки биродар мамлакат етакчиларининг сиёсий иродаси сабабли бугун кунда дўстлик, яхши қўшничилик ва стратегик шерикликка асосланган Ўзбекистон-Тожикистон муносабатлари жадал ривожланаётгани, янги йўналишларни қамраб олиб, амалий мазмун билан бойиётгани қайд этилди.
шунингдек, томонлар олий ва юқори даражада бўлиб ўтадиган тадбирлар жадвалини кўриб чиқди ҳамда минтақавий ва халқаро масалалар бўйича фикр алмашди.
Эслатиб ўтамиз, Абдужаббор Раҳмонзода Тожикистон президенти Эмомали Раҳмоннинг 4 майдаги фармони билан мамлакатнинг Ўзбекистондаги янги элчиси этиб тайинланган эди.