ТОШКЕНТ, 13 май – Sputnik. БМТ Бош котиби Антониу Гутерреш Бутунжаҳон соғлиқни сақлаш ташкилотида Россиянинг "Спутник V" вакцинасини тан олиш жараёни кетаётгани ҳақида баёнот қилди.
"РФ БМТ ходимларига "Спутник V" билан эмланиш имкониятини тақдим этганини жуда қадрлаймиз. Бу жуда яхши белги", - деди у.
Гутеррешнинг сўзларига кўра, "Спутник V" – жаҳонда вакциналаш масаласини ҳал этишга ёрдам берадиган муҳим элементлардан биридир.
"Спутник V" вакцинаси дунёда
"Спутник V" вакцинаси ҳозирга қадар умумий аҳолиси сони 3 миллиардга тенг бўлган 60та мамлакатларда рўйхатдан ўтказилган.
Шунингдек, Россия вакцинаси давлат регуляторлари томонидан маъқулланганлик бўйича жаҳонда иккинчи ўринни эгаллаб келмоқда.
Вакцина текширилган ва яхшилаб ўрганилган инсон аденовируслари платформасида яратилган ва вакцинация давомида иккита эмлаш учун икки хил турфа вектор ишлатилади.
Бу иммунитет давомийлигини узайтиришга хизмат қилади.
Ташқи бозорларда Россиянинг "Спутник V" вакцинасини илгари суриш билан Россия тўғридан-тўғри инвестициялар фонди шуғулланади. Сал аввал фонд раҳбари Кирилл Дмитриев салбий таъсири йўқлиги ва у аллергияни келтириб чиқармаслиги туфайли Россия вакцинасига нисбатан ишонч тобора ортиб бораётганини айтган эди.