ТОШКЕНТ, 12 май - Sputnik. Америкалик олимлар COVID-19 жинсий аъзо тўқималарида узоқ вақт сақланиб қолишини, бу эса эркакларда эректил дисфункцияни келтириб чиқаришини аниқладилар, деб хабар беради World Journal of Men's Health.
Муаллифларнинг аниқлашларича, илгарироқ потенциядан шикояти бўлмаган эркакларда бу муаммо улар инфекцияга чалингач пайдо бўлади.
"Вирус эндотелиал ҳужайраларга кириб, кўплаб органларга, жумладан, жинсий аъзога ҳам таъсир кўрсатиши мумкин", - деб таъкидлайди тадқиқот раҳбари Ранжит Рамасами.
Коронавируснинг оқибатларидан бири бу - кичик қон томирларининг шиллиқ қаватининг бузилиши ҳолати бўлиб, натижада тўқималар ўз функцияларини йўқотадилар.
Бу сингари бузилишлар одамлардан касалликни бошдан кечиргандан кейин дарҳол ва ҳатто орадан саккиз ой ўтгач ҳам кузатилган.
Тадқиқотчиларнинг аниқлашларича, илгарироқ эректил дисфункциядан шикоят қилмаган эркаклар коронавирус инфекциясини бошдан кечиргач шу сингари муаммолар ривожланган.
Тадқиқот муаллифлари, ушбу соҳадаги ҳар қандай муаммога дуч келган эркаклар шифокорга мурожаат қилишлари лозим, дея огоҳлантиришмоқда.