ТОШКЕНТ, 12 май - Sputnik. Кеча Ўзбекистонда 395 нафар кишида коронавирус аниқланиб, 2 нафар бемор вафот этди, деб хабар бермоқда Соғлиқни сақлаш вазирлиги матбуот хизмати.
2021 йил 11 май ҳолатига кўра, Ўзбекистонда коронавирус инфекцияси қайд этилганлар сони 95467 (+395) нафарни ташкил этмоқда.
Янги касалланиш ҳолатларининг энг кўпи (216 нафари) Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
️Кеча кун давомида 312 бемор соғайиб, соғайиш кўрсаткичи 95 фоиз (90976 кишини) ташкил этмоқда.
️Шунингдек, 2 нафар коронавирусга чалинган бемор вафот этиб, касалликдан вафот этганлар сони 666 нафарни ташкил қилди.
️Айни пайтда тиббиёт муассасаларида 3825 нафар бемор даволанмоқда.