ТОШКЕНТ, 6 май — Sputnik. Тожикистон президенти Эмомали Раҳмон республиканинг Ўзбекистондаги янги элчисини тайинлади.
"Раҳмонзода Абдужаббор Азизи Тожикистон Республикасининг Ўзбекистон Республикасидаги Фавқулодда ва мухтор элчиси этиб тайинлансин", - дейилган ҳужжатда.
Абдужаббор Раҳмонзода 1959 йил 15 мартда Кўлоб шаҳрида туғилган. Филология фанлари доктори, профессор.
У республиканинг Телевидение ва радиоэшиттириш қўмитаси раиси, таълим вазири, Садриддин Айний номидаги Тожикистон давлат педагогика университети ректори лавозимларида ишлаган.
2014 йил 15 декабрдан у Тожикистон президентининг ижтимоий ривожланиш ва жамоатчилик билан алоқалар бўйича ёрдамчиси бўлиб ишлаган.