ТОШКЕНТ, 5 май - Sputnik. Италия раислигида бўлиб ўтган G20 давлатлари мажлисида, туризм вазирлари ковид-паспортлари жорий этишни ёқлаб чиқишди, деб хабар қилмоқда Bloomberg.
“Катта йигирматалик” давлатлари вакцинация паспортлари жорий этишни ёқлаб чиқишди. Ушбу чора дунёда туризмни ҳамда иқтисодни тиклаш учун муҳим омил бўлиши мумкин, - деб Италия туризм вазири Массимо Гаравальюнинг сўзларини келтиради нашр.
Россия туроператорлар Ассоциацияси вице-президенти Дмитрий Горин БФМга айтишига кўра, ковид-паспортлари н асосида, балким ПЦР тест ҳамда антитаначалар-тести натижаларига асосан ҳам чегараларни очиш керак. Ўшанда ҳар ким ўзига қулай бўлган ҳужжатни тайёрлаши мумкин.
“Фақат ковил паспортлар асосида чегараларни очиш – инсон ҳуқуқлари бузилишига олиб келиши мумкин. Масалан, айримларга вакцина олиши мумкин эмас”, - дейди Горин.
Эслатиб ўтамиз, март ойининг ўртасида Еврокомиссия “яшил сертификат” ҳужжати лойиҳасини тақдим этган эди. Унга кўра эмланган ва коронавирусга чалиниб тузалган фуқароларга “яшил-сертификат” бериш режалаштирилган. Ушбу ҳужжат июнь ўрталарида жорий этилиши мумкин. У жумладан “Спутником V” билан эмланган россиялик сайёҳларга ҳам берилиши мумкин. Айни дамда россиялик туристлар учун Греция, Хорватия, Болгария ва Черногория чегаралари очилган.