ТОШКЕНТ, 3 май — Sputnik. Sputnik Халқаро ахборот агентлигининг Ўзбекистондаги мухбири Дилшода Раҳматова (Россия) "Олтин қалам" миллий мукофотининг "Чет эллик журналистларнинг Ўзбекистон ҳақидаги энг яхши материали учун" номинациясида иккинчи ўринга муносиб топилди.
Тошкентдаги “Туркистон” саройида "Олтин қалам" миллий мукофоти учун ХV танлов ғолибларини тақдирлаш маросими бўлиб ўтмоқда.
Мукофотни Sputnik журналистига Ўзбекистон ташқи ишлар вазирининг ўринбосари Фурқат Сидиқов топширди.
Корреспондент Sputnik Узбекистан Дильшода Рахматова награждена премией "Золотое перо"
© Рамиз Бахтияров
Дилшода Раҳматова 2017 йилдан буён Sputnik Ўзбекистон мухбири сифатида фаолият юритади. Унинг мақолалари ва танлаган мавзулари ҳамиша ўзининг долзарблиги билан ажралиб туради. Унинг сўнгги ишларидан Тошкент вилоятидаги карантин зонасидаги ҳаёт, Сардоба сув омбори тўғони ёрилишидан жабрланганлар ҳақида тайёрлаган репортажлари, Қорақалпоғистонда мактабгача таълим тизими ривожланиши ҳақидаги очерки, Ўзбекистон соғлиқни сақлаш вазири билан интервьюсини мисол тариқаси келтириш мумкин.
Диплом лауреата премии "Золотое перо" Дильшоды Рахматовой "За лучший материал об Узбекистане" журналиста иностранного СМИ
© Рамиз Бахтияров
Sputnik таҳририяти ҳамкасбини чин дилдан олий мукофот билан муборакбод этади ва кейинги ижодларида омад ва зафарлар тилайди. Журналистни мукофотни қўлга киритгани муносабати билан шу кунларда Тошкентдаги медиаҳафталикда иштирок этаётган “Россия сегодня” ХАА бош директори Дмитрий Киселёв ҳам қутлади.